Rankulikae oa Mokhotlong o kena khotla ho se banǵosi ba hae

Lesotho—Monghali Khotsang Moshoeshoe o bile kapel’a ’maseterata oa Mokhotlong ka Laboraro lena, ka tebello ea hore banǵosi ba hae ba tla ba teng, nyeoe e tsoelepele, a mpa a makala ho fumana ho se ope.

Ba neng ba e-na le eena khotla ba re ’maseterata o bile a botsa mochochisi hore na ho tla joang hore e be o lumetse ho ngosa monghali Moshoeshoe empa ho se letho le tšoarehang, le ka tekeloang lekhotla.

Mapolesa a neng a ile a hulanyetsa Rankulikae khotla ka mahlo a mafubelu, a jarelletse lithunya tse kholohali, a mo amoha lingaka tse neng li ntse li mo oka, le ’ona a tlalehoa a ne a le sieo lekhotleng, ho se motho ea tsebang lebaka.

’Maseterata oa Mokhotlong o itse rankulikae a tle a boele a itlalehe khotla ha khoeli e tlang e tla be e hlola matsatsi a mashome a mabeli a metso e robong. RK.

Lira tsa Mathibeli Mokhothu kahar’a Potoana li lilieletsa ho koaloa ha MOAFRIKA

Lesotho—Bacha ba ipitsang ba Potoana feela e le ba shebisitseng marumo a nchocho ka ho motlatsi oa moetellipele pa mokha oo, ba rapella hore MOAFRIKA FM e koalloe ruri, ba re e a ferekanya, ba ngotse joalo leboteng la bona la marang-rang.

Eona taba eo, e se e bile e ba qabantse hobane ho na le ba reng bona le malapa a bo bona ba phela ka MOAFRIKA FM ha ba na tsebe ea ho mamela se-ea-le-moea sefe kapa sefe hoo le mokolokong oa Honyolla-MOAFRIKA ba neng ba ikakhetse ka setotsoana, e le hobane ba tseba molemo oa se-ea-le-moea sena sa Molimo.

Mafethe ea ipitsang ka la Fetty, sengoli se seholo leboteng leo, o bile o re se-ea-le-moea sena ke sa baloi, o se tšaba hona hoo a seng a sa mamele le Mafekefeke, ho mpang ho sa hlaka hore ke hore na eena le metsoalle ea hae ba utloile joang hore thaka ea bona DK, o khitlile qhooku e Setloholo maling a mpa, ha a sa mamele MOAFRIKA FM.

E mong oa bona o ile a letsetsa Mohlomphehi Mohlophisi e Moholo, a kopa hore a mo ntše litabeng tsa mahlabaphieo ao a seng a tsoile letšolo ho hlasela boetellipele ba Potoana, ka le reng o ne a kopanngoa le oona ke ho thaothela lehlakore le khahlanong le la Mathibeli Mokhothu, likhethong tsa isao tsa DC, e seng ho loantša MOAFRIKA. RK.

 

 

 

 

Sepolesa sa lesotho se fanyehile mesebetsi eohle ea Leposa

Lesotho—Mesebetsi eohle ea mokhatlo oa sepolesa sa Lesotho (Leposa) e fanyehiloe ka lengolo le tsoileng ka Laboraro la beke ena, le sanetsoeng ke Snr Suprintendent LC Ralethoko.

Bookameli ba Leposa le phala ea sepolesa ha boa fumaneha lifonong, ha Lehakoe la Litaba le ne le batla ho utloisisa hore na boemo bona bo tsoetsoe ke eng, hore na nakong ea ho fanehoa ha mesebetsi ea Leposa liofisi tsa eona li tla ’ne li buloe.

Mabota a marang-rang oona a bua lintho li hana ho fela ka Leposa le ka bookameli ba sepolesa, ka letona la sona le ka ’muso o litulong. A re phahamiso ea mapolesa mosebetsing ke lejoe le leholo la har’a mapolesa.

Mabota a re boholo ba mapolesa bo se bo bile bo re bo tsetselela bookameli ba Compol Molahlehi Letsoepa ea neng a rohakoa ka mahlapa a tala ke litho tsa Leposa ho ea qetellong ea borena ba hae kahar’a sepolesa sa naha ena, le ha a ne a qeta ntǵoa ofising ka ntǵoe li sa fohloa. RK.

Bacha ba monolleloa bohatammoho ke liqhooku tsa bona

Lesotho—Banna le basali ba baholo lipolotiking tsa bohatammoho ba ile ba manollela ba bacha motheo, tsamaiso le sebopeho ha lekhotla leo la lipolotiki le hore na li amana joang bophelng ba lona ba letsatsi le letsatsi.

 Tsena, ba li buile kamor’a ho utloa mocha oa Potoana lebatooeng la Lebakeng, ausi Likonelo Mothala a lla ka see eena le ba bang ba se bonang e le lebatha tsamaisong ea mokha oo oa habo bona matsatsing ana, ho kang ho fa motlatsi oa moetellipele oa bona sebaka sa ho bua pele ho moetellipele libokeng tsa sechaba. 

A bua Probonong ea Labobeli lena, ausi Mothala o ne a ile a re pele ho mona, ho ne ho sa etsahale joalo, ’me, nakong ee taba eo e neng e etsahala, moetellipele oa bona o ne a e thibele ka le reng ha a lumele hore motlatsi oa hae a bue a ntse a le teng.

 Oa pele ho otlolla taba, e bile monghali Khotsang Moshoeshoe ea itseng ha e le hantle, ha ho tsekoe ho bua, ho tsekoa setulo sa monghali Mathibeli Mokhothu, ke batho ba baholo kahar’a mokha ba reng ke ngoana, a ba a re o se a ile a beha taba eo boholong ba mokha a e kopela khalemelo.

 E mong Mrs ’Maphakiso Moseme, e le setho sa mehleng sa komiti e kholo a re motheo oa lekhotla la bona o fa Komiti ee Kholo matla a ho etsa meralo ea tsamaiso molemong oa kholo le botsitso ba mokha oo, ka lebaka leo, komiti e rala e ipapisitse le boemo bo renang kahar’a lekhotla la bona.

 Setho sa joale sa Komiti e kholo, monghali Serialong Qoo, o ile a tiisa hore nakong ea bophelo ba komiti e kholo, e ba le matla a ho rala tšebetso ea ka linako tsohle tsa pele le kamor’a seboka se seholo, ho kenya liqeto tsa sona tšebetsong.

Mokhethoa oa Malingoaneng o bile a re moo setho se sa khotsafaleng, motheo o se fa bolokolohi ba ho tletleba, se ipapisitse le litemana tsa oona motheo oa bona. RK.

 

Lekala le tšepisitse Litotla karabo e ngotsoeng ka Labohlano lena

Lesotho—Letona la likhokahanyo le laetse mongoli e moholo oa lekala leo hore a arabe lengolo la Litotla la Labone la beke e fetileng, le neng le isitsoe ho lona ka mokoloko o moholohali oa mafapha ohle a sechaba sa Basotho, a amiloeng ke khonyetso ea maqhubu a mane a MOAFRIKA FM RADIO, ho seng ho le bekeng ea bosupa joale.

Mongoli e Moholo, kamor’a ho utloisisa botebo le bophara ba seboko sa Litotla le sechaba se otliloeng maling a mpa ke khonyetsoe ena, o itse o sa ilo kopana le liofisiri tse sebetsanang le maqhubu pele, a nto araba lengolo, bonyane ka Labohlano la beke ena.

’M’e ’Makhatebe Maope, a itšehelitse ka moifo oa hae oa litsebi, o bolelletse Mongoli e Moholo hore o makalla ho utloa letona le re ka ho koala Moafrika, le araba seboko sa beng ba li-ea-le-moea tse mo kopileng ho li pharalatsa, tsee a seng a bile a li fumanetse chelete paramenteng.

Se ileng sa makatsa moifo oa MOAFRIKA e bile ho utloa hore ba litsi tse ling tsa khaso, bona ba thusoa ke lekala ho pharalla, ha pharallo ea Moafrika eona e latetse lipehelo tsa Lekhotla la Khaso, tse akhang hore bookameli bo tlatse lifomo tsa kopo, li lefe khafa ea maqhubu a e pharalatsang, Moafrika e be e ithekele thepa ea khaso.

Moifo oa re o qala le ho utloa hore setsi se ntse se ka thusoa se sa latela molao oa LCA, se iketse ho letona feela, la ba la se fumanela chelete ea likhafa tsa sechaba paramenteng, ’me nakong ea tšebetso eo, e be ho koaloa ba etsang sohle ba ipapisitse le molao oa khaso oa naha ena.

Ke moo Mrs Maope a ileng a kopa hore ha a ngola likarabo, Mongoli e Moholo a be a bolele hore na MOAFRIKA FM RADIO e tla tšelisoa joang ha e le mona eona e khaotsoe, empa e ntse e lefa, ho ea ka litumellano tsa eona le lekala, e se e bile e lefile likhafa tsa maqhubu a selemo sohle. O bile a re ho honyetsoa ha eona hona ho thefutse khoebo ea eona haholo.

Tabeng ea hore MOAFRIKA FM e honyelitsoe ka lebaka la digital migration, litsebi tsa Moafrika li bolelletse mongoli e Moholo hore ha ho ’nete litabeng tseo, ha a sa kholoe, a bitse benghali Motlatsi Monyane, Dada Moqasa, Telemedia, Broadcast and Instalation le litsebi tsa MOAFRIKA ba kopane tafoleng ea lipuisano, o tla fumana hore ba buang ka digital migration, ba ntse ba mo tlotsa melomo ka jeme, ha ho ntho e joalo.

Ba re digital migration ke taba e lipakeng tsa Lesotho le Afrika Boroa, ha ho moo e amang litsi tsa khaso ea litaba le mananeo ka se-ea-le-moea, ntle le moo, e shebane le lithelebishene feela. RK.

 

Khang ea bobolu ba baahloli ba Zambia e tlisetsa Basotho letsoalo

Lesotho—Basotho ba re ba matsoalong a hore ha Lesotho le ka qetella le ritselitse moo Zambia e leng hona teng, ba likojoana li mahetleng ba tla shoa le lebe hobane makhotla e tla be e le sentele sa bobolu, se sebeletsang ba matla.

 Taba e ileng ea fetoha sehlooho sa Pusong ea Sechaba ka Sechaba ka Labotšelela lena e ne e ile ea okha matla a eona litlalehong tsa marang-rang tsa Zambia tse supang hore baahloli ba bararo ba Zambia ba ne ba beheloe ka thoko ho mosebetsi, ha ba ha thehoa lekhotla le ba fuputsang.

 Pehelo ka thoko eo, e hlalosoa e ne e amana le hore ba sebelisitse boemo ba bona hamper litabeng tsa nyeoe ea koporasi ea Zambia, moo e leng batseteli. Pelaello eo ea bobolu, e ne e ile ea tsoaloa ke litaba tsa koranta e kholo ea naha eo e bitsoang The Post, ea Monghali Frederick ’Membe ka selemo sa 2012.

 President Michael Sata a ba behela ka thoko selemong se hlahlamang, Dr Justice Philip Musonda eena a ikopela ho lokolloa mosebetsing, empa a hloka katleho, a tseka ka makhotla, a hlola nyeoe. Le ha ho le joalo, litaba tseo tsa bona tsa nka nako e telele ka makhotleng, ho fihlela President Edgar Lungu oa hona joale a nkile puso, a ba buselitse mosebetsing kaofela. 

Khang ke hore, ha e ba litaba tseo ke ’nete, ho a hlaka hore bobolu ha se ntho ea batho ba itseng feela, le makhotla a ka bola, ’me, boemong bo joalo, potso ke hore na sechaba se tla balehela kae, haholo-holo se kojoana li mahetleng, se jeoang metlakala ke ba khorang. RK.

 

Moafrika protest march today

Lesotho– Moafrika FM Radio community are on their way to Maseru from all corners to protest the unlawful closure of their radio, September 7 instant.

The station was closed down by government of Lesotho, saying all private stations are to be expanded to cover the entire kingdom.

Instead, of all the 18 radio stations, the government only closed Moafrika FM.

It is their considered view, the marchers, therefore, that closure of Moafrika FM, has nothing to do with it’s expansion. It is being victimized for refusing to tow government line.

The protesters are to hand a petition to minister of Communications Thesele ‘Maseribane.

The organiser of the march, Mrs ‘,Makhatebe Maope says the closure of Moafrika FM is a great opportunity, first for criminals to do as they wish. She says Moafrika is the people’s eye, concerning crime watch – she’s an entrepreneur.

Further, she says the closure of Moafrika FM denies them an opportunity to participate in the on-going Constitutional Reforms, facilitated by retired deputy chief justice Dikgang Moseneke of South Afrika. RK.

Linokoane li batla hlooho ea Adv Zwelakhe Mda ka mokeke

Lesotho— Adv Zwelakhe Mda, KC oa Mafeteng o fumane ka sepolesa sa Mafeteng hore hona le monna e motšo e molelele ea tsoileng bosele, ea batlang ho mo fenetha ka sethunya.

 Morero o hlalosoa o ne o loketse ho phethoa ka Laboraro lena ho tloha ha le le lihloohong tsa mengala, empa, mapolesa a fumana monyenyetsi oo a ileng a o nkela holimo a phallela lapeng ha Adv Mda ho ea thibela kotsi eo.

 Motho ea hlalosoang ka mabitso ao mapolesa a nang le oona, o bolelloa e le se-bolai se seng se timelitse Basotho ba bangata, ba akhang mapolesa, se mpang se thella joalo ka bolele, se tsoa lipakeng a mafokisi a ntseng a fofonela mehlala ea hae.

 Mda ke e ’ngoe ea liakhente tse kholo tsa Lesotho e emeng le Mohlomphehi Moahloli e Moholo oa Lesotho, nthomeng Majara, ntoeng ea hae e thata, hammoho le se-ea-le-moea sena sa Molimo se K’hatholike. RK.

 

Ba eang mokolokong oa Honyolla Moafrika ba re ha se litlokotse

Lesotho—Batho ba eang mokolokong o moholo oa “Honyolla MOAFRIKA FM” ka Labone lena, ba re ba tla ikokobeletsa lipehelo tsa molao tse hlahang lengolong la tumello ea mokoloko, le fanoeng ke Mookameli oa Sepolesa sa toropo ea Maseru.

Ho le joalo, ba itse Mookameli oa Sepolesa a tsebe hore ho ka etsahala hore lira tsa mokoloko oo, li ineakanye hara ba tlileng ho oona ka khotso, e be tsona li etsa se ka khannelang sepolesa ho o qhale.

Ke moo bamameli ba kopileng hore Mookameli oa Sepolesa a tle a shebane le litloli tsa molao oa mokoloko e seng ho o qhale. Taba ena ea linokoane tse ka ’nang tsa ineakanya hara batšehetsi ba Moafrika mokolokong oo, ba hlalosoa e le mofokaha oo Jesu Kreste a neng a rute ka oona setšoantšong sa mofoka, tšimong ea koro.

Lipehelo tsa molokolo li re e be oa khotso, ho se be motho kapa batho ba kenang ho oona ba tšoere lintho tse seng molaong, ho bolokoe nako ea ho qala le ea ho qhalana, bohle ba latele tsela e lumellanoeng ’me, bahlophisetsi ba oona le ba-okeneli ba tsebe hore ba tla jara boikarabelo ha o ka tlola liphehelo tsa oona.

Thahasello e kholo har’a sechaba ka mekhahlelo eohle ea sona ea ho kenela mokoloko o isang lengolo ho letona la likhokahanyo la Labone lena, ho ea kopa hore le honyolle maqhubu a MOAFRIKA FM a neng a honyetsoe ke letona Tefo Mapesela, libekeng tse supileng tse fetileng, ka le reng le atolosa li-ea-le-moea, le hoja MOAFRIKA FM e ne e sa le kopa ho pharalatsoa.

Ho tloha maqhubu a MOAFRIKA FM a ne a honyetsoe, bookameli ba eona bo re lekala ha le e-s’o le bo atamele, ho bo tsebisa hore na bo ’ne bo tsoelepele ho lefella maqhubu ka tsela ea pele, etsoe khonyetso ea maqhubu ao, e le khahlanong le taelo ea lekhotla le phahameng ea ngoahola.

Ho paka khotso ea mokoloko oo, Litotla li hlophisitse likipa tse ngotsoeng melaetsa ea boitseko ka khotso, holim’a ’mala o mo khubelu, o bolelang thapelo ho Molimo oa maholimo ka lebitso la Jesu Kreste oa Nasaretha ea re shoetseng sefapanong a ba a hlola lebitla hore ba mo tsepileng ba tle ba hlole lintoa tse khahlanong le ho etsoa ha thato ea Molimo mona lefatšeng.

Likipa tseo, li fumaneha ka maloti a mashome a tšeletseng a metso e mehlano, ka mokhorong oa MOAFRIKA. Batho ba hojana, ba eletsoa ho romella chelete fonong ea ’Mamatebele Mokoenehi 64000028, o tla ba bolokela tsona, etsoe palo e fokola. RK.

Only 2 full days left to the protest march

Basotho shall, in their tens and hundreds and thousands, march on the minister of communications, Thesele ‘Masturbate, come Thursday, this week to petition him to restore operations of Moafrika to before September 7, instant.

This, follows an arbitrary closure of Moafrika FM Radio in most parts of the country by acting minister of communications, Tefo Mapesela as he then was, on September 7 instant.

Moafrika is the largest broadcaster in the kingdom of Lesotho. It is privately owned.

It is the darling of most Basotho, across the political and religious divide, because of their disciplined yet robust editorial independence.

Moafrika, has since the installation of the four party coalition, led by prime minister Thomas Thabane been attacked from all angles by government and the supporters of the coalition parties.

Misa-Lesotho,  Committee for the Protection of Journalists and Amnesty International have all voiced their concerns on thsee state of affairs.

Moafrika has won all cases levelled against them by this regime, yet government is hellbent to have it erased from the broadcasting map of the kingdom.

Moafrika is spending more money on fighting legal battles as opposed to it’s development. It is evident that unless a miracle happens, Moafrika FM Radio shall, in a very short space of time, die a natural death.

The nation needs the station more, in this time of the SADC sanctioned, Constitutional Reforms, to participate in an informed manner.

Moafrika needs financial and political support from local and international communities to survive. Please help. ramainoane54@gmail.com.