Buka ea bophelo ba Adv AP Mda e tla phatlalatsoa bekeng e tlang. The Cause of Africa must Triumph. Collection of writings by Leader of ANC Youth League 1947-1949

Lesotho—Buka ea bophelo ba akhente ea khale, AP Mda e tla hlahisoa sechabeng ka Laboraro la beke e tlang, Khauteng Afrika Boroa, ke lingoli tsa eona Prof. Robert Edgar le Luyanda ka Msumza. Prof Edgar ke sengoli sa Prophets with Honour, e phetang pale ea Lekhotla la Bafo le Josiele Lefela.

 Mosebetsi oa khakolo ea pokello ena ea lingoliloeng tsa akhente e neng e reneketsoa ka la AP, ke methaka le metsoalle ea eona boitsekong ba Afrika eohle, feela e sebetsa e le kahar’a makhotla a lipolotiki a ANC le PAC, Afrika Boroa, o tla tšoareloa Junifesithing ea Witwatersrand, Khauteng.

 AP e bile president ea bobeli ea ANC Youth League kamor’a Anton Mziwakhe Lembede ho tloha ka 1947 ho isa 1949, ’me o hlalosoa e le eena ea ileng a tlosa ANC mokhatlong o neng o luletse ho lla ka khatello ea makhooa, a o fetola oa boitseko, hoo ka eena, ANC e ka beng e ile ea kena boitsekong ka lihlomo mathoasong a lilemo tsa sekete le makholo a robong le mashome a mahlano.

 Leano la hae la tlhabollo ea ANC le ne le bitsoa Programme of Action e leng eona e ileng ea sisinya metheho ea puso ea Maburu, ’me ea hlasimolla bacha ba rutehileng ba naha eo hore ba ikakhele ka setotsoana ntoeng ea boitseko.

 AP eo bophelo ba hae bo feletseng Mafeteng, ke mothehi oa ofisi ea liakhente e sebelisoang ke mora oa hae oa ho fela, Adv Zwelakhe Mda, KC, e ileng ea senngoa ka liqhomane ke lira tsa puso ea molao naheng ena, ngoahola.

 Kahar’a ofisi eo, ho ne ho ntse ho e-na le litokomane tsa bohlokoa tsa makhotla a boahloli, moo mohale eo oa tokoloho ea MaAfrika a neng a buelletse mahlatsipa a puso e khopo, ea khethollo le khatello ea Afrika Boroa, le ea Manasi a Lesotho, e neng e le mpe ho feta ea Maburu kaha eona e ne e le khethollano ea Basotho.

 Ka ho tšoana, mor’a enoa oa hae, e leng Adv Mda KC o ne a se a bokelletse litokomane tsa bohlokoa tse tsoetsoeng ke bobuelli ba hae, bo ntšetsangpele ba ntatae, litabeng tsa litokelo tsa mantlha tsa botho, tse akhang linyeoe tsa Lipolelo Thabane ea neng a fenethoe nakong ea tlhomamiso ea monna oa hae, Dr Motsoahae Thabane botonakholong ba Lesotho. Le joale ho ntse ho e-s’o tsoaroe motho malebana le lefu la Lipolelo, ’moho le ho qhomisoa ha ofisi eo ea liakhente e neng e buella Lipolelo.

 Buka e bitsoang ‘The Cause of Afrika Must Triumph, “the collected writings of AP Mda’ by Robert Edgar and Luyanda ka Msumza, e tla ba thuso e kholo ho ba tlang ho kenya letsoho Tlhophongbocha ea Lesotho, ka ha e tla fana ka tse ling tsa linnete tse ileng tsa khannela Lesotho le Basotho koluoeng ea puso eo ba qoetseng kahar’a eona. RK.

 

Opposition appoints an all women team to the National Dialogue Planning Committee

Maseru—Lesotho—Adv Lekhetho Rakuoane, MP, announced an all women representatives of the parliamentary opposition to the Lesotho National Dialogue Planning Committee at a press conference held at the headquarters of the Lesotho Congress for Democracy party, Wednesday afternoon.

Rakuoane told journalists that Lebohang Ramohlanka, Liteboho Kompi and Mamello Morrison together with other appointees from other political parties and stakeholder organisations shall resume their duties once gazetted.

Expanding on the matter, Rakuoane said “We are currently preparing and finalising a draft agreement between government and the opposition, based on the position of the Government at the Forum and thus, draft agreement will be furnished to the South African Development Community (SADC) Facilitator for onward transmission to the Kingdom of Lesotho.”

He said they were convinced that all sides will find the draft agreement an acceptable working document to ensure the safe return of all exiles.

“Both the letters of intent of August 8 and 10 carry the right spirit towards a final resolution of this matter.” Said he and added that “As Opposition in the tenth parliament of Lesotho, we cannot approach the Dialogue and Reforms as a disjointed Leadership. We therefore view the return of our colleague, the Leader of the Lesotho Congress for Democracy (LCD) as crucial to ensure our smooth and unfettered participation in the Dialogue leading to the Reforms.”

The Opposition’s view, says Rakuoane, the Leader of the Patriotic Front for Democracy (PFD) and former Deputy Speaker and minister of Home Affairs, is that the Government and the SADC will view this step not only as positive, but also as a transparent and inclusive way to ensure that the political leadership of Lesotho moves in unison towards the Reforms.

Further, said he, “Once the Agreement is concluded our expectation is that it will be publicly signed and witnessed by members of the international community resident in Lesotho, as well as the SADC Oversight Committee and the SADC Facilitator. The nation will be kept informed of the developments in this important step, and we expect the draft agreement to be in the hands of the SADC Facilitator in the next few days.” RK.

Tlhophobocha ke ntheketheke ea puso ea Lesotho

Lesotho— Sechaba se re bapolotiki ba naha ena, ’moho le bakhethi, ba ele hloko hore letsatsi le se le sekame haholo, le ea masela libata, puso e makhatheng a ho fetoha ka tsela e kholo, ba boikarabelong ba etse sohle se matleng a bona ho folofela leraha.

 Tsena, ba li buile ba ipapisitse le lentsoe la Sesotho “ntheketheke” le hlalositsoeng e le letsatsi la mariha, ka bokhutšoanyane ba lona bo etsang hore le likelle ba lenama, tema e sa le kholo kapele ho bona. Ba boela ba re motsamai le eena e ba o tla hloloa leeto, ke ho likelloa ke letsatsi thoteng ha a le maoto a boima.

 Sekoere sa taba ena se ile sa e bapisa le mokhoaso oa litali, moo ho bang le ba li tšetsethang le ba li lallang. Ba re balalli ba bohlokoa ho feta kaha e le bona bao ha ba ka hloloa ke mosebetsi, ho tla khutleloa hae ka ea moroa. 

Ho thibela ho tsoa ka ea moroa, ke moo ho behoang lilalli tse sebete, tse nepang, li bile li apere hantle. Moaparo oa tsona, ba re o lokela ho thibeletsa seraba e se re tali ea ikakhela kahar’a sona ea se sheqola kapa sa hlajoa ka tsenene ke litsomi tse ling, ’me e se ke ea e-ba motho ea tšabang masumu hobane e ka tšoha e kenella letlaburng leo la boriba.

 Ba itse ba lebelletse ka tšepo hore, kopanong ea bona ea Labobeli la beke ena, baetellipele ba lipolotiki ba hloaile balalli ba sebele, ba tenneng hantle, ba bile ba tsa tšabe noha.

 Empa ha ho ka bonahale seaparo sa bona se belaetsa, ba itse ba tla ba akhella matairi ba koahele liraba. RK.

 

 

Buka ea bophelo ba Adv AP Mda e tla phatlalatsoa bekeng e tlang

Lesotho—- Buka ea bophelo ba akhente ea khale, AP Mda e tla hlahisoa sechabeng ka Laboraro la beke e tlang, Khauteng Afrika Boroa, ke lingoli tsa eona Robert Edgar le Luyanda ka Msumza.

 Buka eo, e hlalosoa e le pokello ea lingoliloeng tsa akhente eo e neng e reneketsoa ka la AP, ke methaka le metsoalle ea hae boitsekong ba Afrika eohle feela a sebetsa a le kahar’a makhotla a lipolotiki a ANC le PAC a Afrika Boroa.

 AP eo bophelo ba hae bo feletseng Mafeteng, ke mothehi oa ofisi ea liakhente e sebelisoang ke mora oa hae oa ho fela, Adv Zwelakhe Mda, KC, e ileng ea senngoa ka liqhomane ke lira tsa puso ea molao naheng ena, ngoahola.

 Kahar’a ofisi eo, ho ne ho ntse ho e-na le litokomane tsa bohlokoa tsa makhotla a boahloli, moo mohale eo oa tokoloho a neng a ile a buelletse mahlatsipa a puso e khopo, ea khethollo le khatello ea Afrika Boroa, le ea Manasi a Lesotho, e neng e le mpe ho feta ea mabru kaha eona e ne e le khethollano ea Basotho.

Ka ho tšoana, mor’a oa hae o ne a se a bokelletse litokomane tsa bohlokoa tse tsoetsoeng ke bobuelli ba hae, bo ntsetsangpele ba ntatae, litabeng tsa litokelo tsa mantlha tsa botho, tse akhang linyeoe tsa Lipolelo Thabane ea neng a buelloa ke Mda Chambers.

Buka e bitsoang The Cause of Afrika Must Triumph, the collected writings of AP Mda by Robert Edgar and Luyanda ka Msumza, e tla ba thuso e kholo ho ba tlang ho kenya letsoho Tlhophongbocha ea Lesotho, ka ha e tla fana ka tse ling tsa linnete tse ileng tsa khannela Lesotho le Basotho koluoeng ea puso eo ba qoetseng kahar’a eona. RK.

 

Mphanya o manolla metheho ea Bohatammoho le Bonasi

Lesotho—Bukeng ea hae e bitsoang “A brief History of the Basutoland Congress Party,” Ntsukunyane Mphanya o hlakisitse phapang lipakeng tsa Bohatammoho le Bonasi hoo e ka hlakelang le tsipasehole, ha feela e ka e pheteloa hantle.

O re khang ea mekha ena ea pele ho tsekisana lipolotiki tsa puso ea Lesotho, eo le ha e se e fokolloa ke lipalo tsa ho busa boinahano ba eona bo ntseng bo rena har’a mekha ea Lesotho ka ho fapakana ha maqhetsoana a eona, a kalo ka linaleli tsa leholimo ke naha e hapiloeng le moruo oa Lesotho.

Tlas’a sehloohoana se reng “constitutional talks”, buka e re, Ntsu Mokhehle ha a botsoa ke Manyesemane hore na ha e le mona a re ba batla ho laola moruo oa Lesotho, ba tla nka chelete kae, o ne a re ka hona ho laola moruo oa naha ba tlang ho ba le eona.

Taolong eo, a re batla theha likoporasi le banka ea ntšetsopele ho ntlafatsa Basotho khoebong. Tabeng ea melata, a re ha e na ho lelekoa empa, e tla lokela ho utloisisa hore moruo oa naha o lokela ho ba matsohong a batala, bona ba tla feela ka litsebi tsee Basotho ba seng tsona le ho theha mesebetsi e meholo.

Mesebetsi e meholo ea likoporasi e tla ba ho ntlafatso temo ea mobung le temo ea liphoofolo tse tlang ho ba mokokotlo oa Lesotho le ipusang.

Leabua Jonathan eo e neng e le setho sa lekhotla la Mahatammoho ka nako eo, buka e re o ile a thaothoa ke bahoebi ba makhooa, Ian Fraser e le lepe la bona, a thusoa ke Father Romeo Gilbeu oa Kereke ea Roma, a mo nkela Engelane ho ea mo batlela lithuso bakeng sa mokha oa hae o tlang ho thula oo oa mahatammoholo. Mokha oo, e bile Basotho National Party.

Jonathan eena o tlalehoa a ne a re makhooa a tla tsoelapele ho hoeba ka tsela ee a ntseng a hoeba ka eona, a tla be a thusoe ho pharalla le naha, e le hore a tle a tsebe ho hira Basotho ba bangata, ’me libanka tsa melata li tla fetoha mokokotlo oa moruo oa naha. RK.

Second day of Lesotho Leadership Forum

Lesotho—Justice Likgang Moseneke, the retired South African Deputy Chief Justice must have gone to bed the happiest man yesterday after a successful inaugural meeting of the kingdom’s political, traditional and community leadership scheduled for two days.

Justice Moseneke and a team of three South African who started their work in Lesotho in June 15, instant started by brokering an agreement between the two rivals, a four party coalition government and a coalition of eight political parties.

The main bone of contention was the return Mr Mothejoa Metsing MP, a leader of the third largest political party who skipped Lesotho borders into South Africa where he is living as an exile. government says they want him to face criminal charges of corruption and high treason. He says he is being persecuted for his political convictions.

Secondly, the opposition insisted that the jailing of the former army boss, Lt Gen Tlali Kamoli is equally political, the man should be released forthwith, adding that since his arrest some eleven months ago, government have failed to prosecute him, only remands in custody.

Over and above this, the opposition were complaining that they are targeted by police on the instruction of the prime minister, Mr Motsoahae Thabane. They therefore sought a moratorium on those politically motivated arrests, in order for them to participate in the leadership forum.

Justice Moseneke have successfully forced government to drop extradition charges against Mr Metsing, who should come home a free man to participate in the Sadc sanctioned reforms of  Lesotho’s constitution, civil service, judiciary, defence and security.

It is hoped that today’s meeting will nail down an agenda for the October National Dialogue which will be followed by sectorial reforms process. RK.

Letsatsi la pele la lipuisano tsa tlhophobocha le fetile ho se litlhase tse tlolang

Lesotho—Letsatsi la pele la lipuisano tsa boetellipele ba Lesotho, tse isang lipuisanong tsa tlhopho-bocha le hlokile litlhase tse neng li lebelletsoe, bohle ba buile ka bonolo, ho se khalefo ho se letho, ba itlama hore ba tla thusana hore mosebetsi oo o tle o fihlele sepheo sa oona.

Tonakholo ea Lesotho e itse ’Muso oa eona o tla etsa sohle se matleng a oona ho tlosa mafika a ka setisang mosebetsi ona. Athe moetellipele oa bohanyetsi ka paramenteng eena o itse ha e le moo ’muso o itlama joalo, ba tla hle ba kobe ka thata, ba sebelise monyetla ona ho rapalatsa lintlha tsa bona tse tla ba nolofaletsa ho ea kenya letsoho ’Mokeng oa Sechaba ka Mphalane, monongoaha.

Phala ea Nonyana e Kholo, Monghali Teboho Sekata, e re ba tsoa lipuisanong tsa kajeno ba le morolo ka ha ba bile le monyetla oa ho teka lingongoreho tsa bona ka puso ea naha ena.

Lintlha tseo, o re ke ho bolokoa chankaneng ha Gen Tlali Kamoli le ba bang, ho se nyeoe e tsoelang-pele khahlanong le bona, tlhekefetso e etsetsoang MOAFRIKA FM RADIO ke ‘muso ona o nyoretsoeng ho e koala neng kapa neng, o e tsekisa ho ba litaba tsa sechaba, ho tokhotsoa ha sechaba, haholo-holo litho tsa bohanyetsi, hoetsoang ke mapolesa ka taelo ea tonakholo, Dr Motsoahae Thabane, nyene le bosiu.

Mokena-lipakeng, Justice Likhang Moseneke o itse mosebetsi oa hae ke ho thusa mahlakore ohle ho buisana le ho sebetsa ka tsela e isang tharollong ea likhang tse setisang naha ena ho buseha. RK.

 

Basotho ba bona litaba tsa beke ena ka mahlo a mangata.

Lesotho—Basotho ba re litaba tsa Lesotho tsa bekeng ena li ka bantomo, li khoali har’a beke, li phatšoa Moqebelo.

Ba bua Lenaneong la bona la Puo ea Sesotho, ba itse ka lehlakoreng la basebetsi le bo-ranku-likae, ’muso o ba nyantšitse phooko, letlapa le thelletse tlas’a maoto a bona, ba hatisitsoe masepa a namane, ba sothelletsoe likobo molaleng, ba bapetsoe likoaeloana ke ’muso ona o hlolang o tšoetsoe ka sehlethela sa mathe le likhohlela ke liphala tsa bohanyetsi.

Bang ba itse ’muso o bakile morea-rea ka ho lubisa basebetsi ba lifeme le bo-ranku-likae thankha, o ba suhisa lerapo la puleng, o ba hulanya majoeng. Ba tsoelapele ba re nthoena ea oona ea ho thetsa basebetsi ka lefura la ntla ke matsollo-peli mapata masene, o ba anyesa phooko.

Ka lehlakoreng la bohanyetsi teng ba itse ho na le motšepisa, etsoe ’muso o se o simollotse ho jaefela katara ea bohanyetsi o se o ntse o lla, bo hanne ho tentšoa moluopo ke ’muso ka lebaka leo, letsatsi le chabetse ’muso ona, le hona le itse toala, ka mahlaseli a maholo. RK.

 

 

 

Mochochisi o lokolla basebetsi ka le reng bopaki ba mapolesa ha boa lekana

Lesotho—Mochochisi oa Maseru o lokollotse basebetsi ba neng ba ile ba tšoaroa ke mapolesa a Ha Thetsane ka pelaello ea ho kenya letsoho merusung ea lifeme ea Labobeli la beke ena. Ba bang ba bona ba ne robetse ntloanatšoana masiu a mabeli a latellanang.

Mochichisi Janki o itse ba khutlele malapeng, feela ba lebelle hore mapolesa a ka ’na a ba bitsa a ba khutlisetsa lekhotleng ha bopaki bo hlokahalang bo se bo fumanehile.

Banna le basali ba neng ba lokela ho araba linyeoe tse malebana le merusu eo, ke benghali Tumisang Ramainoane, Lefulesele Thokoane, Palesa Moloi,  Rethabile Phaphathisa,  Tšeliso Maema, le Retšelisitsoe Makhale. RK.

 

 

 

Liakhente tsa ’muso li cha ntši nyeoeng ea Tampane

Lesotho—-Liakhente tsa ’Muso oa Lesotho li chele ntši ha li ne li lokela ho tsoelapele ka nyeoe ea Mokhethoa oa Senqu, Ms Likeleli Tampane kamor’a hore Lekhotla le Phahameng la Lesotho le hane khang ea tsona, ka Laboraro lena, e neng e re lekhotla leo, ha le na tokelo le matla a ho mamela sello sa Ms Tampane.

Moahloli Molefi Makara, o itse lekhotla le ka ba le bothata likhanng tse ling tsa linyeoe tse amanang le litaba tsa paramente, e seng moo ho hatiketsoeng litokelo tsa mantlha tsa setho sa eona, joalo ka ha ho etsahetse nyeoeng e tsoetsoeng ke lisamane tse ileng tsa fua mokhethoa eo oa Lepotoana, kamor’a hore a qobelloe ho tsoa ka paramenteng letsatsing la ho koalloa mariha ha eona, e be oa hana.

Lekhotla le bile la re le se le le malala a laotsoe ho mamela khang ea nyeoe ha e le moo ntlha eo ea boemo ba lekhotla nyeoeng ena e otlollotsoe, ke moo liakhente tsa ’muso li ileng tsa hlatha mona tsa hlatha mane, ea ka monna a phunya paola, ho fihlela moahlolali a tiisa ka hanong a khalema liakhente tseo a re li bakela makhotla tšubuhlellano ea linyeoe.

Ka ho otloloha, Tampane o re Motsamaisi oa Lekhotla la Sechaba, ea mo hlabileng ka lisamane tse mo supang kapel’a Komiti ea Boitšoaro ea Paramente ha lea latela molao oa toka ea tlhaho. RK.