DCP Keketso Monaheng o re o ntse a tsitsitse mosebetsing oa hae

Lesotho—DCP Keketso Monaheng oa sepolesa sa Lesotho o re ha se ’nete hore o ngotse lengolo la boitokollo mojarong oa bopolesa, o bile o re na a ka ikhirolla joang a se a saletsoe ke nako e fokolang ka har’a sona.

O be a araba potso ea Lehakoe la Litaba le neng le utloile ka marang-rang hore o itokollotse mosebetsing kamor’a ho senoloa ke se-ea-le-moea sa Maseru se re o sebelisitse lichelete tsa sepolesa ka bohlasoa. O re le eona taba eno ea hore o bile bohlasoa licheleteng tsa sepolesa, ke leshano le se nang litsoako.

A buisana le lehakoe la Litaba la MOAFRIKA ka mohala, hoseng ha Labobeli lena, o bile a hlalosa hore ha se motšoari oa lichelete tsa sepolesa, ka lebaka leo, ha ho ka moo a ka li sebelisang hantle kapa hampe ka teng. RK.