Adv Letuka Molati o lokolotsoe ntlokholo ea sepolesa sa Lesotho

 Adv Letuka Molati oa Maseru o lokolotsoe litlamong kamor’a ho tšoaroa ke ntlokholo ea sepolesa shoalaneng ea kajeno, malebana le litaba tsee a neng a ile a li ngolla Mookameli oa sepolesa sa Lesotho, ka ho nyamela ha ’Makarabo Mojakhomo, ea neng a nyamelle matsohong a ntlokholo ea sepolesa.

 Nakong ea ho tšoaroa ha hae, akhente e sebetsang le eena e re mapolesa a ile a hanela lelapa, bafuputsi le liakhente ho ’mona, le ho fumana mabaka a ho tšoaroa ha hae. ’Muelli Qhalehang Letsika eena o ne a se a le tselang e eang Lekhotleng le Phahameng ho ea etsa kopo ea Habeas Corpus.

 Lehakoe la Litaba lona le ne le se le fetiselitse tsoaro ena Amnesty International, ha bohanyetsi bo hlalosoa bo ile ba e tsebisa Sadc. Litaba tsena li tlile moeeng Molati a e-s’o fumanehe bakeng sa ho fana ka lehlakore la hae la litaba. Phala ea Sepolesa sa Lesotho eona e itse ha e tsebe letho ka ho tšoaroa ha Adv Molati. RK.