Motlatsi Sammoko o rapella Basotho ho Molimo oa likhutsana le bahlolohali.

Lesotho—Maseru: Monghali Ephraim Motlatsi Sammoko oa Khubetsoana e mathuleng a toropo ea Mafeteng o rapeletse sechaba sa Basotho ho Molimo oa likhutsana le bahlolohali hore o ba thuse, ba khoe letsoeleng la ho thabela litaba tsa mafeela, ka ha li qetella ka ho beha batho ba bangata litsietsing tse fapakaneng.

Thapelo ena, o e entse lenaneong la Labotšelela la kajeno, le qetelletseng ka ho thoholetsa se-ea-le-moea sena sa Molimo ka ho emela taba ho butsoa phere pele e ka fetela sechabeng ka sona, ha e ba e fana ka eona e e-s’o butsoe, e hle e bolele hore ke bohashana ba taba e ntseng e e-tla, empa ha e ba e se e hloloa ho tsoelapele ka eona ho latela bohashana bo neng bo ile ba fanoa, se phatlalatse mabaka.

Mehlala e mengata e ile ea etsoa kamor’a hore ho manolloe sehlooho se reng: Sensationalism is like a sugar coated pill, ka le reng ho pheta litaba tse nang le likheeqe tsa ’nete le leshano, kapa linnete tse sa lokelang ho fetisetsoa litsebeng tsa batho; ho ka bakela ea li phetang khathatso e ka isang lefung, tahlehelong ea maemo, mosebetsi le ho mathisoa makhotla, har’a tse ngata.

Momameli e mong eena o rapelletse hore e mpe e be banna ba supileng ba etelletseng ’muso oa selekane sa Khokanyanaphiri pele, ba ntse ba utloa, ba bile ba bona tsela ena ee lenaneo le e rapalalitseng kapel’a bona.

Ho ile ha etsoa mehlala ka ’Muso oa Letsema la Sechaba o ileng a heletsoa ke ho thabela ho utloa lehoeshehoeshe, oa khaohana le ho busa Basotho, oa BNP o neng o thabele ha Thaka e Ncha e ne e hobosa batho ba boholong ba puso, masole a neng a iteketletse sesoleng se neng se ntse se hlonepha bolaoli ba molao, a ipitsa lingangele, li-captain tsa sesole tse neng li ikhamise mokhahla khahlanong le bolaoli ba molao, ha li tla tsoa sesoleng joalo ka lesapo la sopho.

Ha potso e se e isoa sechabeng, bohle ba bile ntsoeleng hore MOAFRIKA FM RADIO e itulele tseleng ena ea eona ea tšebetso ee bo-marata helele ba reng kea bo koala, e bolutu. RK.

 

 

 

Snow piles on Lesotho highlands.

lesotho-snow

Sunday, July 24, 2016—Heavy snow began to pile on the highlands and foothill of Lesotho in early hours of Sunday, making any form of travel except for four-wheelers to move safely to desired destinations.

Reports of heavy snow fall is reported from all corners of Lesotho, by our stringers, who are living in the remotest areas of Lesotho.

Lesotho Weather Bureau predicts more snowfall up to Wednesday, next week. But, the heaviest fall can be expected Sunday night and the whole of Monday. Weather Bureau officials couldn’t be reached by a telephone to confirm the story.

END.

 

Kokoi ea Lesotho litabeng tsa bolepi, e sa boetse e nepile thifa, naha e tsoha e aparetsoe ke serame se kelellang masapong joalo ka ha bolepi bo ne bo ile ba lemosa joalo.

Tlaleho ea bolepi e re serame sena se tla tota ka La-pele la beke ena, libaka tse ka maloting li be li apareloe ke lehloa, empa mesiko ea lithaba eona e tla ba le motsoako oa lehloa le pula, ’me leqhubu leo la serame, le tla qhoba ho ea kena letsatsing la boraro la beke e tlang.

’Malehloa Hlao oa Liotloaneng, Ha Monyai ea Mapoteng o itse lehloa le se nyaretse litlhoro tsa lithaba tsa Matšekha. O ne a bua le Tšele Mphaki, lenaneong la Tšebeletso ea Sechaba sa Molimo.

Heavy snowfall forecast for Lesotho

Lesotho is expected to experience very cold weather conditions accompanied by heavy snowfall and rainfall from Sunday to Wednesday, July 24-27, 2016, warns the Lesotho Weather Bueau.

It is forecasted that Monday shall be the coldest day, with temperatures reaching freezing the point at most highlands regions.

A mixture of both rain and snow can be anticipated over low-lying areas during the same period.

snow, though always regarded in the negative by the government of Lesotho to the point that the Disaster Management Authority in the Office of The Prime Minister has issued the following warning: “the nation is therefore advised to take precaution while planning their activities during this period and recommended to obtain regular updates from local media.”

Snow is the main attractor of visitors from South Africa and elsewhere in the world within a short space of time, which if well marketed by the Department of Tourism, could be a major economic spinner o the impoverished kingdom.

Lesotho Consular officials stranded in South Africa?

images

It is being alleged that officials at Lesotho Consular Agencies in South Africa are now in the third month running without a salary nor allowances.\

n1_377939459

Lesotho foreign minister Mr Tlohang Sekhamane shaking hands with the Swazi King Mswati III.

The situation is alleged to be so grave that even the offices have run out of electricity and no petrol for vehicles as well ass units for the telephones. Each official is said to be living on one’s own savings or from friends and relatives.

The blog shall investigate the matter further, Monday.

Our boys Phetetso and Teboho are away making us proud in international cycling.

Top Lesotho cyclists are away from home, flying the flag of our kingdom internationally. They may not return with trophies nor medals, but we are encouraged that they are pioneering international cycling for posterity.

It won’t be long before we take the world competitively. There is a starting point, always.

Our future cycling stars during the MOAFRIKA LIFE CYCLE HEOES DAY CHALLENGE, Wednesday, May 25, 2016 at Qoatsaneng MTB track Maseru.

Morena Mapola o re Boto ea Meralo ea Sechaba e ka ba pheko ea lintlafatso

 

Lesotho—Maseru: Morena Motlatsi Mapola o re halelele, ha ho ntse ho sena Boto ea Meralo ea Sechaba, ha ho kamoo makhotla a puso ea libaka a ka fihlelang sepheo sa oona sa ntlafatso le ho ntšetsapele, ka lebaka leo, bohle ba lokela ho sebeletsa hore Boto eo e thehoe e be e kenngoe tšebetsong.

 Morena oa Leseli, Khubetsoana Ha Hlathe Majara o buile tsena a qhololitsoe ke lenaneo la Puso ea Libaka le Borena la mesong ea Labotšelela e leng Moqebelo oa kajeno, moo sehlooho e neng e le tšebetso ea makhotla a puso ea libaka, na a fihlela sepheo, ha e ba ha ho joalo, a setisoa ke eng.

 Bang ba ne ba re a setisoa ke marena, bang ba re a setisoa ke khaello ea lichelete tsa tšebetso ka lebaka la ’muso o moholo o hanang ho a abela lichelete tse lekaneng ho etsa mosebetsi.

Lenaneo la Borena le Puso ea Libaka le qala ka hora ea bone ha e fetile ka metsotso e mashome a mararo ho MOAFRIKA FM RADIO ka Labotšelela la beke le beke. Le ne le khakoloe ke letona le ikarabelang Dr ’Matumelo Sekatle.

Letona le ne le phatlalatse hona mohla khakolo ea lenaneo hore bahlanka ba lekala tla le mamela, ba be ba phehise ka ho hlalosa maano, mesebetsi, likatleho le liqholotso tsa lekala, ba be ba arabe lipotso tsa sechaba, empa, ho fihlela joale, ha ho mohla bohlanka bo keng bo etse joalo. Lenaneo lena le tsamaisoa ke Mr Tšolo Lebitsa, moetellipele oa Khathang-Tema-Baitšokoli. RK.

 

Bakhethi ba lumellana le MOAFRIKA hore ea hanang tlhahlobo ea bahlanka a qosoe

Maikutlo a tiileng a MOAFRIKA FM RADIO a hore bohle ba hananang le hore bahlanka ba baholo bosebeletsing ba sechaba ba phenngoe mahafi ka bohlahlobi ba FORENSIKI ba lokela ho qosoa tlas’a moalo oa tsireletso ea kahare ho naha e le ba sebeletsang ho heletsa ’muso a tsehetsoa ke bakhethi ba Lesotho.

Lenaneo lena, e ne e le la pele moo, le neng le thehelletsoe holim’a maikutlo a MOAFRIKA FM RADIO, khahlanong le moo se-ea-le-moea se eeng se behe sehlooho feela, se qetelle ka ho ea le maikutlo a bongata ba bakhethi ba ileng ba lahlela leho thiba.

Ha le ntse le futhumala, ho bile ha hlahella mehlala e kang oa hore, ho khaoha ha MOAFRIKA le TšENOLO moeeng ka Labosupa la beke e fetileng hoa bonahala joale hore ho ne ho hopoletsoe ho thusa ban eng ba se ba entse ’momori oa hore batho ba itseng ba tle ba fane ka maikutlo a hore ba fumane menyenyetsi e reng ba tla bolaoa ke masole, joale ba balehile.

E leng se ileng sa etshala nakong e haufi le ho khutlela moeeng ha MOAFRIKA FM RADIO, ea ba moo li-ea-le-moea le likoranta tsa majelathoko li phatlalatsa hore litho tsa bohanyetsi li palehong hobane li nyenyelelitsoe hore masole a tseleng ea ho tla li bolaea

Mr Senoamali Phakisi ea ipitsang Mofula oa Poho, ha korante e ngotseng ka eena eona e mo bitsa “popoiki” ea bohanyetsi, ke e mong oa bao koranta e reng ba fetohile lipapatlele. O ile a kena lenaneong leo a re o khutletse hae kamor’a ho lemoha hore o ntse a baleha moea.

Motho ea hlalosoang a re papatlehisitsoe ke ho bona koloi e mo belaetsang e ntse e ferella haufi le ha hae ka mokhoa mo belaetsang, e re ha mapolesa a e-tla e balehe; mapolesa a khutle a sa ka a e lelekisa, e utloahetse e le taba e kannang ea e-ba morero oa mafifi oa batho ba batlang ho neta sesole sa Lesotho ka bokoeta bo khahlanong le sechaba se tlas’a tšireletso ea sona.

Kemoo tumellano ea bakhethi holim’a ntlha-kemo ea MOAFRIKA FM RADIO  e bileng hore ho phenngoe bahlanka ba baholo ba sechaba ho fumana hore nab a hlile ban tse ba etsa mosebetsi oa bona ho latela lipehelo tsa khiro ea bona, e leng tšireletseho, polokeho, ntlafatso le ntšetsopele ea sechaba le naha ea sona.

Masholu a hlatsisoa liphoofolo tse 14 Mosalemane

Berea—Mapoteng: Moetelli-pele oa mahokela a tikoloho ea Matšekha, a polesoang Mapoteng, o re ba ile ba tsoa letšolo le sepolesa sa moo, ho batla liphoofolo tsa ba bang ba baahi tse utsuoeng metebong le malapeng ka linako tse fapakaneng monongoaha.

Malefetsane Chekoane o re ba li tsomme mesikong ea lithaba ka makhetlo a mabeli mathoasong a khoeli ena le bohareng ba eona; ba fumana tse ling li se na litokomane ba li qhobella le babelaelloa ba babeli ba Mosalemane.

Chekoane o re babelaelloa le liphoofolo tse 14 tse lipoli, linku le lipere, ba sepoleseng sa Mapoteng, ’me batho ba nyameletsoeng ke tsona ba ee teng ka litokomane tsa tsona. Masholu a ahlotsoe likhoeli tse tharo chankaneng. Simon Tsoelipe.

NACTWU e qitibanya feme ka nyeoe.

Mokhatlo oa basebetsi ba lifeme NACTWU o ile oa nkana khikhitha le feme ea Presitex e fumanehang Ha Thetsane Maseru, lekhotleng la DDPR ka Labohlano la beke ena, e tseka hore litho tsa eona li sebelitsoe hampe mafelong a ngoahola; tsa fuoa matsatsi a fokolang a phomolo ea mafelo a selemo.

Feme e ne e ile ea phomotsa basebetsi ka ’Mesa ngoahola ka sepheo sa hore ba tle ba phomole matsatsi a fokolang ha se kolumela. NACTWU e re ke tlolo ea molao ho phomotsa basebetsi ka sheshe.

DDPR e chechiselitse nyeoe mafelong a Phato ka sepheo sa hore mokhatlo le feme li tle ka bopaki bo tlang ho li thusa, le hore khintla eo ea basebetsi ba llang e tle khotla ka seqo.

Ho sale joalo DDPR e ahloletse Pesa Bokholane khahlanong le Presitex hore e mo busetse mosebetsing e be e mo lefe chelete ea likhoeli tsee a li qetileng ka thoko ho ’ona ho tloha ka Hlakola ho fihlela ka Phato. O ne a emetsoe ke NACTWU nyeoeng ee a neng a e leleketsoe ho rekisetsa ka femeng.